صور من مشاركتي في التحكيم في مسابقة كأس ديدوسيا للقراءة.
انبسطت بالتجربة جدًا واستمتعت بيها وكانت أجمل من توقعاتي. انبهرت وانبسطت بثقة كل المشاركين بنفسهم، من أصغر لأكبر مشارك. وحماسهم للقراءة وحبهم للمشاركة. في كتب عجبتني من الطريقة اللي عرضوها بيها وحطيتها على قائمة القراءة.
حبيت كمان حرص القائمين على ديدوسيا - Dedosya على مشاركة كل واحد قدم، وتسهيلهم الطريقة اللي يشاركوا بيها، والمحاولة مرة واتنين وتلاتة الناس اللي مشاركة من خلال زووم تشارك بنجاح.
وقد إيه كان الحرص والهم الأكبر إن كل الناس تتشجع وتتحفز للمشاركة.
مبسوطة فعلاً إني كنت جزء من التجربة دي، بالمشاركة مع المهندس خالد عبد الوهاب و الأستاذ عمر وردة وإن شاء الله يستمر ويتطور أكتر وأكتر
0 تعليقات